Автобуста 16 жаштагы кызга тийишкен киши кармалды
1498
Бишкекте автобустардын биринде жашы жете элек кызга тийишкен жаран аныкталып, кармалды. Маалыматты шаардык ички иштер башкы башкармалыгынан кабарлашты.
Окуя 28-июнда болжол менен саат 17:30 чамасында болгон. Кыздын апасы милицияга кайрылып, 2010-жылы туулган М.А. аттуу кызы коомдук транспортто баратканда жанында отурган белгисиз киши оң санын кармап, мыйзамсыз аракеттерди жасаганын айткан.
Сүрөт: Бишкек ШИИББдин маалымат кызматы.
Бул факты каттоого алынып, сотко чейинки текшерүү иштери башталган. Анын жүрүшүндө шектүү катары 1991-жылы туулган Б.А. кармалды.
Бишкек милициясы жарандарды мындай фактыларга кайдыгер карабоого жана өзгөчө жашы жете электерге карата жасалган мыйзамсыз аракеттер тууралуу дароо күнү-түнү иштеген "102" кыска номуру аркылуу билдирүүгө чакырат.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/18130
