"Тамчы" аэропортунан Чолпон-Атага чейинки жол маал-маалы менен жабылат
Президенттин маалымат катчысы Аскат Алагөзов Ысык-Көл районунун тургундарына жана көлгө барууну пландаган эс алуучуларга кайрылды. Ал 30-июлдан 1-августка чейин "Тамчы" эл аралык аэропортунан Чолпон-Ата шаарына чейинки жол маал-маалы менен жабыларын эскертти.
Айтымында, ушул күндөрү Өзбекстандын президенти Шавкат Мирзиёев жана Азербайжандын президенти Ильхом Алиев мамлекеттик сапар менен Ысык-Көлгө келишет.
"Мындан сырткары, бир катар мамлекет башчыларынын катышуусунда Борбор Азия-Азербайжан саммити да дал ушул күндөргө мерчемделген. Мындан улам убактылуу ыңгайсыздык үчүн алдын ала кечирим сурайбыз", - деди Алагөзов.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/18369
