Сайма сайып... Үч өлкөнүн биринчи айымдары Чолпон-Атадагы балдар борборунда болушту
Кыргызстан, Азербайжан жана Өзбекстандын биринчи айымдары Чолпон-Атадагы "Алтын Балалык" ден соолукту чыңдоо-реабилитациялоо борборуна барышты.
Борбордо биринчи айымдар билим берүү боюнча мастер-класстардын иши менен таанышып, балдар менен баарлашып, чыгармачылык сабактарга катышышты. Аларга улуттук оюндардын негизинде майда моториканы жана логикалык ой жүгүртүүнү өнүктүрүүгө багытталган оюндар, ошондой эле робототехника жана билим берүүнүн башка заманбап багыттары боюнча сабактар көрсөтүлдү.
Программанын өзүнчө бөлүгү Кыргызстандын салттуу маданияты жана элдик кол өнөрчүлүгү менен таанышууга арналды.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/18413
