"Балдарымды катары менен көмдүм". Түрмөдөгү кыз-келиндердин тагдыры(видео)
Мариям (аты өзгөртүлдү) телефон уурдаганы үчүн эркинен ажыратылган. Бул анын бешинчи жолу соттолушу. Ал биринчи жолу аялдар колониясына 26 жашында түшкөн. Аял өз окуясын Kaktus.media сайтынын редакциясы менен бөлүштү.
Биринчи жолу соттолгону
Мариям биринчи жолу 1996-жылы кыз уурдаганы үчүн түрмөгө түшкөн.
"Балдарымды катары менен көмгөм. Кызым чарчап калганда 1,5 жашта болчу. Ошондон кийин кылмыш жасай баштадым. Алдап баланы алып кеткем. Ал үчүн мага төрт жыл беришти. Бирок мен ичимдик ичип, убагында көзөмөлдөн өтүп турган эмесмин. Ошондо жазам өзгөртүлүп, абакка биринчи жолу кирдим", - деди ал.
Андан соң аял алдамчылык, алтынды жасалмалоо жана режимди бузгандыгы үчүн абакка түшкөн.
"Акылсыздыктын айынан абакта отурам"
Мариям азыр бешинчи жолу соттолуп, абакта отурат. "Уурдоо" беренеси боюнча. Ал бул жолу акылсыздыктын айынан түрмөгө түшкөнүн айтат.
"Бул жолу мен акылсыздыктын айынан түрмөгө түштүм. Мен таанышыма карызга акча бергем, ал мага акчанын ордуна телефон берген. Көрсө, ал аппарат уурдалган болуп чыкты, досум кичинекей кызы бар аялдан пакет менен уурдап кеткен экен.", - деди Мариям.
"Канаты жок калдым"
Түрмөдө жаткан учурда анын ата-энеси жана агасы каза болгон.
"Мусулмандар айткандай, канатымдан ажырадым, үй-жайым бар, бул жактан чыккандан кийин барчу жерим бар. Бирок, эшикте мени күткөн эч ким жок. Жашоомдун жарымы түрмөдө өтүп, эң жакындарымдан айрылып калдым. Кандай болгон күндө деле, экриндик деген эркиндик. Үйүмө баргым келет. Мен кылмыш кылганымды мойнума алдым. Баарын тушүндүм",-деди ал.
"Кылган иштериме өкүнөм"
Мариям кылган ишине өкүнүп, ата-энесинин өлүмүнө өзүн күнөөлөйт.
"Мен Жараткандан жана менден жапа чеккендерден кечирим сурайм. Жолдошум каза болбогондо мен кылмышкер болмок эмесмин. Башкалардай үй-бүлөлүү болмокмун", - деп жыйынтыктады Мариям.
