Көчмөндөр оюндары: Аламан байгеде Кара кыз байгелүү орунду ээледи

Казакстанда өтүп жаткан V Дүйнөлүк Көчмөндөр оюндарынын алкагында аламан байге боюнча мелдештер жыйынтыкталды.

Сүрөт: Казакстандын маданият жана туризм министрлиги

Кыргызстандын курама командасы коло медалга ээ болуп, Нурэл Элесов чапкан Кара кыз аргымагы (аттын ээси Нурбек Керимбеков, саяпкери Изат Сыргак уулу) 3-орунду ээледи.

Аламанда казакстандын Ай кабак күлүгү биринчи болуп келсе, Жумур туяк экинчи болду.

Ал эми жорго салыш боюнча улуттук курама команда 1 алтын, 1 коло жеңди.

• 1-орунду Чиксон аргымагы (чабандес Чубак Жайлообек уулу, аттын ээси Жаныбек Карыпбеков, саяпкери Чубак Жайлообек уулу) ээледи.
• 3-орунду Императрица аргымагы (чабандес Нурэл Иранов, аттын ээси Өмүрбек Бабанов, саяпкери Чубак Жайлообек уулу) ээледи.