Блогер Хасбик үлпөт той учурунда кармалып, полицияга жеткирилди
Белгилүү блогер жана UFC уюмунун жүзү Хасбик (Хасбулла Магомедов) достору менен бирге Махачкалада административдик мыйзам бузууга барганы үчүн кармалып, полицияга жеткирилген.
Дагестандын Ички иштер министрлигинин Telegram-каналында үйлөнүү үлпөт кортежиндеги унаалар башка жол кыймылынын катышуучуларынын жолун тосуп, сүзүп, каршы тилкеге чыгып кеткенин көрсөткөн видео жарыяланды. Автоунаалардын биринде Хасбик да бар болчу. Ал кийинчерээк бөлүмгө алып келингендердин арасында болгон.
Кийинчерээк блоггер бул окуя боюнча Instagram баракчасына комментарий жазган.
"Биз бир аз хайп кылууну чечтик. Кара хайп да хайп болуп саналат. Мындай кайталанбайт. Элден кечирим сурайбыз. Бир аз ойнодук, анан, албетте жооп берүүгө туура келди", - деп жазган Хасбик.
