Орто-Токой суу сактагычына кытайлык компания чакан ГЭС курат. Келишимге кол коюлду
Бүгүн, 24-мартта "Чакан ГЭС" ААКнын башкы директору Нурлан Садыков менен Кытайдын улуттук оор машина куруу корпорациясынын вице-президенти Чжэн Хансонг Орто-Токой кичи ГЭСин куруу боюнча келишимге кол коюлду. Бул тууралуу Энергетика министрлигинин басма сөз кызматы билдирди.
Кол коюу иш-чарасы Экономикалык коммерция министрлигинин имаратында КР энергетика министри Таалайбек Ибраевдин жана экономика министри Данияр Амангелдиевдин катышуусунда өттү.
Эске салсак, 2023-жылдын 13-январында Кыргызстандын Энергетика, Экономика, Финансы министрлигине караштуу Финансы-кредиттик фонд жана Кытайдын Улуттук HEAVY Machinery Corporation ортосунда кызматташуу жөнүндө меморандумга кол коюлган.
"Жалпы кубаттуулугу 21 МВт болгон үч гидроагрегаты бар "Орто-Токой" кичи ГЭСинин курулушу өлкөнүн суу ресурстарын сарамжалдуу пайдаланууга мүмкүндүк берет. Бул ГЭС ушул эле аталыштагы суу сактагычтын бассейнине курулат", - деп айтылат маалыматта.
Ошондой эле Орто-Токой суу сактагычы Чүй дарыясынын агымын сезондук жөнгө салуу жана 120 миң гектар жерди сугаруу үчүн арналган Кыргызстандагы биринчи суу сактагыч."Орто-Токой" кичи ГЭСинин иши суу сактагычтын сугат режимине ылайык жөнгө салынат.
