Дүйнөдөгү эң кымбат унаа бренди кайсы экени аталды. Ал Mercedes же Toyota эмес
Tesla Mercedes-Benz жана Toyota компанияларын басып өтүп, дүйнөдөгү эң кымбат унаа бренддеринин тизмесинде биринчи орунду ээледи. Бул тууралуу Brand Finance эл аралык аналитикалык агенттигинин баяндамасында айтылат.
Адагы маалымат боюнча, Tesla бренди азыр 66,2 миллиард долларга бааланган. Бул пандемияга чейинки көрсөткүчтөн беш эсе көп.
Өткөн жылдын лидери болгон Mercedes-Benz брендинин баасы 3 пайызга төмөндөп, 58,8 миллиард долларды түзсө, буга чейин экинчи орунду ээлеген Toyota 18 пайызга төмөндөп, 52,5 миллиард долларды түздү.
Эң тез өнүгүп жаткан бренд деп Кытайдын Sokon унаалары аталды, ал жыл сайын 123 пайызга өсүп, баасы 739 миллион долларга жетти.
Тизмеде ошондой эле элиталык AAA+ рейтинги менен "эң күчтүү унаа бренди" аталган Ferrari да бар экени айтылат.
