Ленин округу боюнча шайлоого талапкерлерди көрсөтүү аяктады. Жалпы 49 адам арыз берген

Жогорку Кеңештин депутатын мөөнөтүнөн мурда шайлоо боюнча №26 Ленин бир мандаттуу шайлоо округу боюнча депутаттыкка талапкерлерди көрсөтүү 27-апрелде саат 00:00дө аяктады.

БШКдан кабарлашкандай, жалпы 49 талапкер (40 эркек, 9 аял) көрсөтүлгөн. Анын ичинен 5 талапкер шайлоого катышуудан баш тартты.

Тема боюнча:

Ленин округунан депутаттыкка талапкерлигин көрсөткөндөрдүн тизмеси

Жогорку Кеңештин депутаттыгына талапкер болуп катталуу үчүн БШКга талапкер же анын ыйгарым укуктуу өкүлү киргизилет. Талапкерлер 30-апрель саат 18:00гө чейин документтердин толук пакетин тапшырышы керек.

Керектелүүчү документтер:

• бекитилген форма боюнча биографиялык жана башка маалыматтар көрсөтүлгөн талапкер жөнүндө маалыматтар;
• паспорттун көчүрмөсү;
• жогорку кесиптик билими жөнүндө документтин нотариалдык жактан күбөлөндүрүлгөн көчүрмөсү;
• иштеген же окуган жеринен маалымкат;
• бекитилген форма боюнча башка мамлекеттин жарандыгы жок экендиги жөнүндө маалымат;
• жеке маалыматтарды иштетүүгө жазуу жүзүндөгү макулдук;
• шайлоо күрөөсүн төлөгөндүгүн ырастоочу документ.