Аскар Акаев жубайы менен Кыргызстанга "Ак-Жол" өткөрмө пункту аркылуу киргени айтылды
20-майга караган түнү тунгуч президент Аскар Акаев жубайы Майрам Акаева менен кыргыз-казак чек арасынан өтүп, Кыргызстандын аймагына келип токтогон. Бул тууралуу Kaktus.media редакциясына чек ара кызматындагы булактар билдирди.
Маалым болгондой, алар түн бир оокумда "Ак-Жол" көзөмөл-өткөрүү пункту аркылуу чек арадан өтүшкөн. Аскар Акаев менен жубайы Майрам Акаева иш сапарынын максатын так айтышкан жок, болгону жеке иштери менен келишкенин белгилешкен.
Биринчи президент менен жубайы кайда кеткени так айтылган эмес.
Белгилей кетсек, 2021-жылы Аскар Акаев Кыргызстанга эки жолу учуп келген – Кумтөр ишин иликтөөнүн алкагында УКМКга сурак берип, андан соң Москвага кайра кеткен. Ал кезде УКМК Акаевге жаңы айыптар – 1992-жылы "Камеко" компаниясы менен генералдык келишим түзгөн жана 2003-жылы "Кумтөр" долбоорун реструктуризациялоо эпизоддору боюнча айыпталганын билдирген. Ошол эле жылдын январь айында Кумтөрдү иштетүүгө байланыштуу Аскар Акаевге козголгон кылмыш иши жабылганы белгилүү болгон.
Акыркы 10 жылда Майрам Акаеванын, атап айтканда, Талас облусундагы кичи мекенине болгон иш сапарлары да айтылып келет. Белгилей кетсек, бул алардын 2005-жылдан бери Кыргызстанга биринчи жолу биргелешкен сапары.
