"Европа Биримдиги – Борбор Азия" саммити. Ысык-Көлгө Токаев, Рахмон, Мирзиёев келди
Бүгүн, 2-июнда Европа Кеңешинин президенти Шарль Мишель Кыргыз Республикасына келди.
Министрлер кабинетинен билдиришкендей, Шарль Мишель Чолпон-Ата шаарында өтө турган Борбордук Азия мамлекет башчылары менен Европа Кеңешинин президентинин экинчи жолугушуусуна катышат. Ошондой эле 3-июнда Кыргыз Республикасына расмий сапары өтөт.
Андан тышкары Түркмөнстандын министрлер кабинетинин төрагасынын орун басары Нурмухаммет Аманнепесов Ысык-Көлгө келди.
Ал дагы бүгүн, 2-июнда Чолпон-Ата шаарында өтө турган Борбордук Азия мамлекет башчылары менен Европа Кеңешинин президентинин экинчи жолугушуусунда болот.
Андан кийин Тажикстандын президенти Эмомали Рахмон келди. Аны "Ысык-Көл" эл аралык аэропортунан Акылбек Жапаров тосуп алды.
Кийинки конок Өзбекстандын президенти Шавкат Мирзиёев болду. Аны да "Ысык-Көл" эл аралык аэропортунан Министрлер кабинетинин төрагасы тосуп алды.
