Жапаров менен Ташиев ден соолукту чыңдоочу комплекс менен балдар борборун ачышты. Сүрөт
13-июлда министрлер кабинетинин төрагасы Акылбек Жапаров жана анын орун басары Камчыбек Ташиев Улуттук коопсуздук боюнча мамлекеттик комитетке караштуу "Акилбирс" ден соолукту чыңдоо комплексинин жана балдардын эс алуу борборунун салтанаттуу ачылышына катышты.
Министрлер кабинетинин басма сөз кызматы билдиргендей, Жапаров Базар-Коргон районунда жайгашкан комплекс эки айдын ичинде бүткөрүлүп, анда жакшы эс алуу үчүн бардык шарттар түзүлгөнүн белгиледи. Ал 120 орундуу жатакана, китепкана, 100 орундуу кинотеатр, спорт залдар, кичи футбол аянтчасы, спорт аянтчалары, эки бассейн жана ашканадан турган комплекс райондун эле эмес, бүтүндөй аймактын көркүнө айланат деген ишенимде.
Министрлер кабинетинин башчысы ошондой эле "Кыргызнефтегаз" ААКтын карамагындагы "Зорка" балдар лагеринде болду. Турак жай имараттарын, фельдшердик-акушердик пунктту, актовый залды жана лагердин ашканасын куруу жана оңдоо иштеринен кийин карап чыкты.
"Ар бир облуста жайкысын балдардын эс алуусун уюштуруу зарыл. Балдар лагерлери баланы тартипке үйрөтүп, дени сак адаттарды үйрөтөт, ошондой эле мектеп каникулунда күн тартибин түзүүгө жардам берет", - деди Жапаров.
Маалым болгондой, балдар лагери 1964-жылы курулган. Жалпы аянты 8,32 гектарды түзөт. Жыл сайын балдар лагерине 1200-1350дөн ашык бала келишет.
