Бишкек жана Ош шаарындагы Калкты тейлөө борборлору 1-, 2-майда иштебейт

Техникалык себептерден улам, айрым КТБлардын жакынкы күндөрдөгү иштөө графиги убактылуу өзгөртүлдү. Бул тууралуу Калкты каттоо мамлекеттик кызматынын басма сөз кызматы билдирди.

Берилген маалыматка ылайык, 2021-жылдын 30-апрелинде техникалык себептерден улам,

• Бишкек шаары, Жибек-Жолу проспектиси 381 дарегиндеги 4-КТБ,
• Ош шаарындагы Ленин көчөсү 318 дарегиндеги 1- КТБ,
• "Азия-молл" соода көңүл ачуу борборундагы
• ТЭЦтин маңдайында жайгашкан "Глобус" гипер маркетиндеги кичи калкты тейлөө

борборлору саат 19:00 жана 22:00 чейин эмес, саат 18: 00 гө чейин гана иштешет.

1, 2-майда аталган даректердеги кичи КТБлери иштебейт. Алардын иши ушул жылдын 4-майында улантылат.

Маалымат үчүн: Мамлекеттик каттоо кызматы Бишкек жана Ош шаарларындагы эки калкты тейлөө борборунун ишин 22.00гө чейин узартуу боюнча пилоттук долбоорду

баштаган. Долбоор ушул жылдын 10-июлуна чейин жүргүзүлөт. Жарандардын ыңгайлуулугу үчүн Бишкекте эки кичи КТБлери дем алыш күндөрү саат 10: 00дөн 19: 00гө чейин иштешет.