Чүйдө 15 жаштагы кызга үйлөнгөн жигит жана аларга нике кыйган имам кармалды
Чүйдүн Ысык-Ата районундагы Ивановка айылында жашы жете элек кызга үйлөнгөн 21 жаштагы жигит кармалды. Андан тышкары түгөйлөргө нике кыйган имам да кармалганын облустук ички иштер башкы башкармалыгынан кабарлашты.
Маалым болгондой, 2002-жылы туулган Н.Ш. аттуу жигит 2008-жылы туулган С.Н. аттуу кызга үйлөнүп, алардын никесин 1971-жылы туулган Р.А. кыйган.
Бул факты боюнча 175-берене (Диний ырым-жырымдарды өткөрүүдө нике курагы жөнүндө мыйзамдарды бузуу) менен кылмыш иши козголгон.
Сүрөт: Чүй ОИИББдин маалымат кызматы
Ага ылайык, 21 жаштагы жигит менен 52 жаштагы имам кармалып, убактылуу кармоочу жайга киргизилди.
Учурда тергөө амалдары жүргүзүлүүдө.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/14769
