Кышта Электр энергия өчүрүлүшү мүмкүн. Анын себептерин Энергетика министри айтып берди
Энергетика министри Таалайбек Ибраев бүгүн, 8-декабрда маалымат жыйынында быйыл кышта эмне себептен жарык өчүшү мүмкүн экенин айтып берди.
"Трансформаторлорго ашыкча күч жүктөлсө кышында өчүрүүлөр болушу мүмкүн. Бирин өчүрүп, экинчисин күйгүзүшүбүз керек. Бул бизге бир же бир жарым саатты талап кылат. Эгер трансформатордук көмөкчордон биздин объекттин жанында жайгашкан болсо, б.а. бөлүштүрүүчү тармак болсо, анда бул жарым саатты талап кылат, эгер барууга туура келсе, күндүз жана тыгындарды эске алганда, көбүрөөк убакыт талап кылынат", - деп түшүндүрдү ал.
Министр белгилегендей, учурда Токтогул суу сактагычы 2014-жылдагыдай эле начар толуп жатат. Бирок учурда буга чейин Энергетика министрлиги болжолдонгондон да көп суу бар. "Биздин болжолдор боюнча, учурда Токтогул суу сактагычында 11 миллиард кубометр суунун болушу күтүлүүдө, ал эми бизде 11,3 миллиард кубометр суу бар", - деди ал.
Бир-эки күнгө электр жарыгы үзгүлтүккө учурайт дебейбиз. Биз болгон аракетибизди жумшайбыз. Бирок өзүңөр көрүп турасыңар, керектөө жыл сайын 1 миллиард кВт саатка өсүп жатат.
Ал белгилегендей, өткөн жылга салыштырмалуу Энергетика министрлиги 500 млн куб м метрди үнөмдөөгө жетишкен. Суу аба ырайынын жылуу болушуна жана электр энергиясын кошумча импорттоого байланыштуу, жылдын аягында 3,2 млрд кВт саатты түзөт.
Эске сала кетсек, Токтогул ГЭСи Кыргызстандын энергетикалык жүрөгү болуп саналат. Суу сактагычтагы суунун деңгээли өлкөнүн келерки кыштан кандай чыгаарын аныктайт. Өткөн кыш мезгилинде Кыргызстан суу сактагычтагы суунун деңгээли жогору болгонуна карабай, электр энергиясынын жетишсиздигине туш болгон.
