Лейлектеги гимназиянын директору китептерди өрттөп салышат деп эки күн мектепти кайтарган
Баткен облусундагы Лейлек районунун 3 гимназиясынын директору Гапыр Мадаминов эч кимдин сөзүнө көнбөй, мектептен чыкпай коюптур. Бул тууралуу өзүнүн Instagram-аккаунтуна колдонуучу Алишер Турдалиев жазды.
"30-апрелде, 4:49 саат чамасында, Мадаминова Гулсара эжебизге агайыбыз жөнүндө сурап жазгам. Жүрөккө түнөк бербеген маселелердин бири, билим уябыз болгон №3 гимназиябыздын директору, педагог-новатор агайыбыз Гапыр Мадаминов. Биздин инилерибиз жана айылдаштарыбыз аркылуу "сиз келечек үчүн керексиз, сизди чыгарып кетели айылдан", - деген кайрылуубузга , "мен гимназияны таштап кетпейм, китептерди өрттөп, гимназияны талкалап салышат", - деп эки күн мектепти кайтарыптыр", - деп Турдалиев жазган.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/1564
