Муз каптаган суу. Казакстандагы жүрөктүн үшүн алган суу ташкыны
Казакстандын президенти Касым-Жомарт Токаев сел учурундагы шалаакылык жана кесипкөйлүктүн жоктугу үчүн өкмөттүн жана акимдердин аракеттерин кескин сынга алды. Бул тууралуу казакстандык басылмалар жазып чыгышты.
Анын айтымында, өкмөт менен жергиликтүү аткаруу органдарынын ортосунда координация жок. Казакстандын президенти жапа чеккен аймактардын тургундарынын жеке мүлкү ири өлчөмдө жоголгондугуна өкүнүчүн билдирди. Ал кечирим сурап, бардык жабырлануучуларга материалдык жардам көрсөтүлөөрүнө ишендирди.
Токаевге аймактардагы учурдагы абал, анын ичинде адамдарды куткаруу жана селдин кесепеттерин жоюу боюнча көрүлүп жаткан чаралар тууралуу маалымат берилди.
Казакстандын президенти биринчи вице-премьер-министр Роман Склярга, суу чарба жана ирригация министри Нуржан Нуржигитовго катуу сөгүш, Актөбө, Костанай жана Батыш Казакстан облустарынын акимдерине катуу сөгүш жана кызматтык талаптарды толук аткарбагандыгы үчүн эскертүү жарыялады. Атырау, Акмола, Алматы, Павлодар облустарынын жана Абай районунун акимдерине сөгүш берди.
