22 жаштагы блогер мектеп окуучуларын сабаган деп шектелүүдө
12 жаштагы баланын апасы Kaktus.media сайтына 22 жаштагы кыргызстандык блогер эки мектеп окуучусун, анын ичинде баласын сабап салганын билдирди.
Арыздануучунун айтымында, анын уулу блоггердин карындашы дагы окуган №70 мектеп-гимназиясынын окуу комплексинин 5-классында окуйт.
"Балдар менен бул блоггердин карындашынын ортосунда эмне болгонун так айта албайм, менимче, кыз байкесине арызданган окшойт. Ал профилактикалык сүйлөшүү жүргүзүүнүн ордуна аларды мектептин сыртына алып чыгып, аларга бир нече сокку уруп, коркуткан.
Балдардын ортосунда кандайдыр бир чыр-чатактар болгонун танбайм, бирок аны түздөн-түз биз, ата-энелер чечишибиз керек болчу. Балам учурда стрессте, мен эне катары мындай адамдардын эл алдында толук жооп беришин каалайм", - деди ал.
Мектеп окуучуларынын ата-энелери Биринчи Май райондук ички иштер бөлүмүнө арыз жазышкан. Милициядан Kaktus.media сайтына билдиришкендей, учурда соттук-медициналык экспертиза дайындалды.
