Окуянын күбөлөрү инспекторду капотто сүйрөп кетишти дешет. МАИ аны төгүндөп жатат
Ош шаарынын тургуну "Хонда Фиттин" капоту менен инспекторду сүйрөп кеткен. Редакцияга бул жөнүндө түштүк борбордун тургуну билдирди. Анын айтымында, кечээ, 27-майда ал унаасы менен Ош шаарынын көчөлөрүнүн биринде бара жатып, башка унаанын капотунда инспекторду көрүп, айдоочудан токтоону талап кылган. Бул учурда инспектордун бири анын унаасына отуруп, алар кылмышкерди кармашкан.
"Мен дароо видеого тарткан жокмун. Аны кармаганда видеого тартып баштагам. Инспектордун колу канга боелгон, бирок эмнеден улам экенин билбейм. Балким, ал унаанын капотунда жүргөндө, алдыңкы айнекти токтотууну талап кылып урган", - деди күбө.
ИИМдин Жол кыймылынын коопсуздугун камсыздоо башкы башкармалыгынан билдиришкендей, чын эле кечээ, 27-майда Ош шаарынын көчөлөрүнүн биринде инспектор алдыңкы айнеги сынгандыктан "хонда фит" үлгүсүндөгү автоунааны токтоткон. Бирок айдоочу токтотуу талабын көргөн да, уккан да эмес имиш. Жыйынтыгында унаа токтотулуп, айдоочу инспекторлорго унаа токтотуучу жайдын алдыңкы айнеги сынганын айткан. Текшерүү учурунда айдоочу мас абалында болгон деген шек айтылып, бирок факт тастыкталган эмес.
Бирок анын айдоочулук күбөлүгү жок болуп чыкты. Машина айып короого коюлган.
Бирок күбөнүн инспектор унаанын капотуна сүйрөлгөндүгү тууралуу маалыматын ИИМ четке какты
