Балдарды өнүктүрүү борборлору өздөрүнүн бизнесин өнүктүрүү үчүн каражат алышат
Бишкекте Чүй, Ысык-Көл жана Нарын облустарындагы балдарды эрте өнүктүрүү борборлорунун, жеке менчик мектепке чейинки билим берүү мекемелеринин жана 6 жашка чейинки балдар үчүн курстардын өкүлдөрү үчүн демо күнү өткөрүлдү. Бул мектепке чейинки сектор үчүн АКШнын Эл аралык өнүктүрүү агенттиги (USAID) жана Ага Хан Фонду тарабынан каржыланган "Жергиликтүү өнүгүү" долбоорунун алкагында бешинчи акселерация болуп саналат.
Акселерацияга жалпысынан 93 арыз берилген, анын ичинен 25 талапкер акселерация программасына катышуу үчүн тандалып алынган.
Эки ай бою тренингдин жүрүшүндө бала бакчалардын жана жаш курактагы балдарды өнүктүрүү борборлорунун негиздөөчүлөрү бизнес моделин жана бизнес көндүмдөрүн өркүндөтүштү, кардарлардын көңүлүн бурушту, жаңы өнүмдөрдү жаратышты жана мунун бардыгы өздөрүнүн жеке бизнес трекеринин жетекчилиги астында өттү.
Катышуучулардын 2 айлык жыйынтыгы төмөнкүдөй:
- 21 ишкана 76 жаңы жумуш ордун түздү;
- 15 компания кирешесин орто эсеп менен 69%га көбөйттү;
- 20 компания 245 жаңы баланы тартты;
- 12 компания 20 жаңы рыноктук байланыштарды түздү;
- 20 компания 41 жаңы өнүмдөрдү жана кызматтарды түздү;
- 8 компания брендингге өзгөртүү киргизди;
- 10 компания уруксат документтерин алган.
"Биздин баяндамачылардын тажрыйбасы жана АР командасынын тажрыйбасынын аркасында жаңы бала бакчалардын өсүшүнө жана түзүлүшүнө, балдардын билим алуусу үчүн шарттарды жакшыртууга жана аялдар үчүн жаңы жумуш орундарын түзүүгө чоң салым кошуп жатабыз", - деп белгиледи Accelerate Prosperity`нин өлкөлүк директору Жылдыз Исабекова.
Демо күнүндөгү акселерациянын аягында эң жакшы натыйжаларды көрсөткөн компаниялар инвестициялык комитет тарабынан каржылоого сунушталды:
- "Школа Дипломат" билим берүү мекемеси
- Steamforkids ресурстук борбору
- "Чудо детки" бала бакчасы
- "Асыл-Аманат" бала бакчасы
Accelerate Prosperity Ага Хан өнүктүрүү уюмунун (AKDN) демилгеси болуп саналат жана "Жергиликтүү өнүгүү" долбоорунун алкагында АКШнын Эл аралык өнүктүрүү боюнча агенттиги (USAID) жана Ага Хан фонду тарабынан каржыланат.
