"Атын атаган жок". Хирург көчөдөн эсин жоготуп жыгылган аялга жардам берди
Хирург көчөдөн басып баратып, өзү жаман сезген улгайып калган аялга жардам берди. Бул тууралуу Kaktus.media'га болгон окуяга күбө болуп калган медиаэксперт Едена Баялинова айтып берди.
"Мен балкондо кирлерди жайып жаткам. Жолдун аркы бетинде самын саткан дүкөн бар. Бир кезде адамдар чогулуп калганын, алардын арасында жерде бирөө жатканын байкадым. Ылдый түшүп, окуя болгон жерге барсам, топтошуп калгандардын ичинде ырас хирург бар экен. Ал асфальтка кулап түшкөн аялга жардам көрсөтүп жатты. Өтүп бараткандар да кайдыгер калышкан жок, бири суу алып келип берсе, бири астына төшөгөнгө төшөнү алып келип беришти. Бир келин жерде жаткан аялдын көйнөгүн ылдый тартып, бутун жапты. Врач да эсин жоготкон аялды капталынан жаткарып, жанынан чыккан жок. Мындай көрүнүш ичимди жылытты. Ал өзүнүн милдетин аткарды. Тилекке каршы медик өзүнүн аты-жөнүн атагысы келген жок", - деп Баялинова бөлүштү.
Ал ортодо тез жардам кызматы келип, жабыркаган аялды ооруканага алып кеткен.
