15 жаштагы өспүрүм карындашын зордуктоого шектелип кармалды
Бишкектеги төрөт үйлөрдүн биринде өспүрүм кыз көз жарды. Маалыматты Kaktus.media сайтына милициядан тастыкташты.
Биринчи Май райондук ички иштер бөлүмүнө 19-сентябрда жашы жете элек кыз төрөгөнү кабарланган. Бул факты боюнча тергөөгө чейинки текшерүү иштери башталган. Текшерүүнүн жүрүшүндө көз жарган кыз Кара-Көл шаарынын 2010-жылы туулган А.С. аттуу тургуну экени аныкталган. Ал зордукталганын айткан.
Аталган факты 26-сентябрда Кара-Көл ШИИБде катталып, Кылмыш-жаза кодексинин 154-беренеси "Зордуктоо" боюнча кылмыш иши козголгон. Иликтөө иштеринин жүрүшүндө зордуктоого шектелип жабырлануучунун агасы (2009-жылы туулган) О.С. кармалган.
Шектүү делген өспүрүм убактылуу кармоочу жайга киргизилип, 29-сентябрда соттун чечими менен 2 айга СИЗОго камалды.
Башкы беттеги сүрөт иллюстрациялык.
