"Чындыгында суу аз" Улукбек Марипов Орто-Токой суу сактагычында болду
Кыргыз Республикасынын Министрлер Кабинетинин төрагасы Улукбек Марипов Орто-Токой суу сактагычынын абалы менен таанышты, деп билдирди басма сөз кызматы.
"Суу сактагычта чындыгында суу аз, биз көргөндөй. Суунун деңгээли төмөндөдү, Чүй облусунда сугат суунун жоктугунан Орто-Токой суу сактагычынан суу алынып жатат. Бул аргасыз чара, жана кырдаал жөнгө салынары менен, суу сактагычтан суу алуу азаят", - деди Марипов.
Ошондой эле, ал дагы бир катар маселелерди көтөрдү.
"Өлкөдөгү азык-түлүк коопсуздугу көбүнчө сугат жерлеринин камсыз болушунан көз каранды. Эгерде сугат каналдары тазаланбаса жана оңдолбосо, коё берилген суунун таасири аз болот. Суу талаага жетпей калууда. Бул көйгөй жыл сайын актуалдуу болуп баратат. .Сууга байланыштуу маселелерди чечүү үчүн суунун тарифтерин, суу пайдалануучулардын жергиликтүү ассоциацияларынын жоопкерчилигин эске алуу менен, комплекстүү мамилени талап кылат.Эгерде бул бирикмелер айыл өкмөттүн балансында болсо, анда каражат жергиликтүү казынага түшүп, дыйкандар жергиликтүү бийликтен талап кылынган сууну талап кыла алышат. Бул маселелер эми министрлер кабинетинин күн тартибинде турат ", - деп баса белгиледи Марипов.
Мындан тышкары, ал корголуучу аймакта жашаган Орто-Токой суу сактагычынын жумушчулары жана алардын үй-бүлөлөрү менен жолугушту.
"Бул жерде иштөө жана жашоо шарттарын ыңгайлуу деп айтуу кыйын. Мунун бардыгын эске алуу менен, суу сактагычтагы кызматкерлердин эмгек акысын жогорулатуу маселесин караш керек. Жалпысынан биз сиздерге ыңгайлуу шарттарды түзүп берүүгө аракет кылабыз", - деди Марипов.
Орто-Токой суу сактагычы Чүй облусунун 220 миң гектар жерин камсыз кылат. Бүгүнкү күндө суунун жетишсиздигинен суунун түшүшү былтыркы 90-100 куб метрдин ордуна максималдуу 120 куб метрге жетүүдө.
