Жапаров Душанбе шаарына учуп кетти. Аны аэропорттон кимдер жана кандайча тосуп алышты?
1564
Садыр Жапаров кечээ, 28-июнда, расмий иш сапары менен Тажикстан Республикасынын борбору - Душанбе шаарына келди. Президенттик администрациянын маалыматына ылайык, Дүйшөмбү эл аралык аэропортунда мамлекет башчысын Тажикстандын премьер-министри Кохир Расулзода тосуп алды.
Аэропорттун флагштокторуна Кыргызстандын жана Тажикстандын мамлекеттик желектери илинип, килем төшөлүп, ардактуу кароолдун ротасы тизилди. Иш сапардын алкагында Президент Садыр Жапаров Тажикстан Республикасынын Президенти Эмомали Рахмон менен эки тараптуу сүйлөшүүлөрдү жүргүзөт.
Тараптар эки тараптуу кызматташуунун учурдагы актуалдуу багыттарын, анын ичинде кыргыз-тажик мамлекеттик чек арасындагы маселелерди талкуулашат.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/2291
