Карамушкина азык-түлүктүн кымбатташы боюнча: Фермер психиатриялык ооруканага жатып калды
Фермер иши жылбай психикалык ооруканага жатып калган. Бул тууралуу депутат Ирина Карамушкина бүгүн, 30-сентябрда Жогорку Кеңештин жыйынында билдирди.
Анын айтымында, дыйкандардан даттануулар келип түшүүдө.
"Бүгүн дыйкандар эмне үчүн базарларда жана дүкөндөрдө жашылча-жемиштердин мындай кымбат болуп жатканын жарандарга түшүндүрүү милдетин өз мойнуна алышты. Ал эми Мамлекеттик монополияга каршы агенттик Айыл чарба министрлиги сыяктуу эле кыйратып иш кылып жаткан өңдөнүп, иштемиш болушат. Андыктан фермерлер өздөрү пияздын дүң баасы 10 сом, ал эми бир кабы 350 сом экенин түшүндүрүүдө. Бирок, андан ары совет мезгилинде алып сатар деп аталып, криминалдашкан ортомчулар бааны өздөрү кошуп коюшат. Ошондуктан, бүгүн пияздын торунун баасы 1000 сомго жетет. Картошканын баасы да ошондой эле: талаада бир килограммы 13-15 сом, базарда 25-40 сом",-деди Карамушкина.
Бүгүнкү күндө бардык жарандар айыл чарба жарманкелерине бара алышпайт, бардыгы дүрбөлөңгө түшүүдө. Күн суук боло баштаганда көмүрдүн баасы көтөрүлөт. Негизги керектелүүчү продукциялар кымбаттап баратат.
"Дыйкандар баарын тозоктун күчү менен жасашат, алар мамлекеттен эч нерсе сурашпайт деп нааразы. Анткени алар дан же күйүүчү-майлоочу май алышкан эмес. "Айыл Банк" бир фермерден кредиттин 30%ын төлөөгө жетишпей калгандыгы үчүн техникасын алып койгон. Ага түшүм жыйнап, анан карызын төлөөгө мүмкүнчүлүк бергиле. Анын нерв оорусу бар болчу азыр психиатриялык ооруканада жатып калды",- деди депутат.
Дыйкандар азык-түлүк сактоочу ангарлар жок болуп кеткенине нааразы. Бүгүн сатуучу Монополияга каршы мамлекеттик агенттик эмес, рыноктогу бааларды жөнгө салат.
"Мен жарандарыбыздын атынан премьер-министр менен айыл чарба министринин түз эфирде байланышка чыгуусун суранам", - деди Карамушкина.
