Анжелика дагы деле реанимацияда, анын абалы туруктуу оор, божомолдорду жасоо али эрте

Ырчы Анжелика Кайратова Бишкектин травматология жана ортопедия илимий изилдөө борборунун реанимациясында жатат. Анын абалы операциядан кийинки абалга ылайык. Бул тууралуу Kaktus.media редакциясына медициналык мекеменин басма сөз кызматы маалымдады.

Азырынча алдыга божомолдоолорду жасоо эрте. Анын абалы туруктуу, деп ооруканадан айтышты.

Эске салсак, Ырчы айым Анжелика аварияга түшүп, кичүү кызынын эки буту сынып, анын өзүнүн жүлүнү жабыркаган. Түп районунун ИИБси Kaktus.media'га берген маалыматы боюнча, авария 23-январда эртең менен болгон. Анжелика кыздары менен Караколдон Бишкекти көздөй жөнөп бараткан. Жол тайгак болгондуктан Балбай айылынын тушунан ырчынын Lexus-570 унаасы жолдон чыгып кеткен.

Кечээ кечинде, 23-январда Бишкекке жеткирилип, операцияны Сабырбек Джумабеков жасаган. Ырчынын жүлүнүндо компрессиялык сынык аныкталып, жамбаш сөөк органдарынын функциялары жабыркаган эмес. Анын абалы туруктуу.