Күндүн сүрөтү. Камактагы бажы башчысынын тарапташтары кайрадан митингге чыгышты
Улуттук коопсуздук боюнча мамлекеттик комитеттин имаратынын жанына 70ке жакын адам плакаттар менен чогулушту. Митингчилер Адилет Кубанычбековду үй камагына чыгарууну суранышат.
Алар президент Садыр Жапаров менен мамлекеттик комитеттин жетекчиси Камчыбек Ташиевден Кубанычбековдун ишин тыкыр иликтеп, аны үй камагына чыгарууну дагы бир жолу сурануу үчүн УКМКга барышкан.
"Кечээ биз УКМКнын өкүлдөрү менен жолуктук, алар объективдүү иликтөөгө убада беришкен", - дешет митингчилер.
Алар түшүнүксүз коррупциялык махинациялар үчүн бейкүнөө адам камакка алынган деп эсептешет.
"Биз Адилет Кубанычбековду УКМКдан жана сот органдарынан бошотууну талап кылабыз", - деп жыйынтыктады алар.
Эске салсак, 17-январда коррупцияга шектелип Мамлекеттик бажы кызматынын төрагасы Адилет Кубанычбеков кармалып, УКМКнын убактылуу кармоочу жайына киргизилген.
