Мас айдоочу өзүн прокурор катары көрсөтүп, потрулдук кызматкерлерге баш ийген эмес (видео)
Бишкекте өзүн прокуратуранын кызматкеримин деп тааныштырган мас абалындагы айдоочу патрулдук кызматкерлердин талабын аткаруудан баш тартты. Бул тууралуу Kaktus.media сайтына окуянын күбөлөрү билдиришти.
Белгилүү болгондой, унаасы менен бир адам башка айдоочуларды сүзүп кете жаздаган. Алардын айрымдары айдоочунун мас абалында болгонун кабарлап жатып, эреже бузгандын артынан барып, токтотууга жетишкен. Бирок, ал патрулдук кызматтын талаптарын аткаруудан баш тартып, сотко кайрылууну талап кылган.
Башка айдоочуларга ал киши өзүн прокуратуранын кызматкеримин деп тааныштырган.
Маалым болгондой, бул айдоочу өткөн жылы мас абалында жол эрежесин бузгандыгы үчүн кармалган: андан кийин ал каршы тилкеге чыгып, УПКнын кызматкерлеринен из жашырууга аракет кылган. Унааны токтоткондон кийин алардын талабын аткаруудан баш тарткан.
