Иштеп жаткан жарандарга пенсия төлөбөө пландалып жатат. Тагыраагы кимдерге?
Социалдык фонд иштеп жаткан жарандарга, тагыраак айтканда, аскер кызматкерлерине пенсия төлөөнү жокко чыгарууну ойлоп жатат. Бул тууралуу бүгүн, 11-апрелде Пенсиялык системаны реформалоо боюнча Жогорку Кеңеште парламенттик угуу учурунда социалдык фонддун төрагасынын орун басары Гүлнара Жуматаева билдирди.
Анын айтымында, аскер кызматкерлери 40-42 жашында пенсияга чыгышат. Бирок алар андан кийин да иштеп, эмгек акы дагы алышат.
"Россия менен Казакстанда пенсиялар аскер кызматынан кеткенден кийин гана чегерилет. Бизде дагы ушундай өзгөртүүлөр киргизилип жатат. Аскер кызматчысы кызматтан кеткенден кийин жарандык кызматта иштесе, пенсия курагына жеткенден кийин гана алат", - деп белгиледи Социалдык фонддун жетекчиси.
Ал бул демилге кабыл алынгандан кийин аскердик пенсиянын баасы 16%га оптималдаштырыларын белгиледи.
