Бейшеналиев Германияга учаар алдында "спортчулардан" кантип жашырынып жүргөнүн айтып берди

Саламаттыкты сактоо министри Алымкадыр Бейшеналиев Kaktus.media сайтына билдиргенине караганда, ал чет жакка учаар алдында УКМКга суракка чакырылып, аны "подстава" кылууга аракет кылышкан.

Министрдин айтымында, ал жумуштары менен Германияга учаар алдында "Манас" аэропортунда суракка алынган.

"Саламаттыкты сактоо министринин Ысык-Көл облусундагы координатору пара менен кармалганын баарыңар билесиңер. Бирок бул 100 миң сомдун баары медайымдардын күнүнө карата уюштурулган банкеттин акчасын төлөп берүүгө багытталган. Жетпей калган акчаны өзүм төлөп бермекмин", - деп түшүндүрдү Бейшеналиев.

Ал белгилегендей, медайымдар акчаны чогултуп, облустук саламаттыкты сактоо координаторуна жана Мээримге (саламаттыкты сактоо министринин кеңешчиси) өткөрүп беришкен.

Чогултулган акча мага берилип, аны мен төлөшүм керек экенин билип атайын бул ишти жасашты. Чекисттер акчаны алып, ага белги коюп, медсестралардын бири биздин жумушчуга өткөрүп берип, анан аны кармап кетишти. Мага күч органдары Мээримди сексуалдык зомбулук көрсөтөм деп коркутуп жатканын айтышты, анан мен УКМКнын облустук башкармалыгынын жетекчисине телефон чалып, кызматкерлерине чара көрүүнү сурандым.

Ал Мээримдин Саламаттыкты сактоо министрлигине эч кандай тиешеси жок экенин, бирок "Алтын Балалыкты" жакшыртууга жардам берип жатканын, ошондуктан кеңешчи катары эсептелерин баса белгиледи.

"Акыры Мээрим бошотулду, мен аны үйүнө алып баргам. Ага чейин атайын кызматтагылар эртеси өз бөлүмүнө алып келүүнү суранышкан. Бирок, мен Бишкекте, аңдууда болуп аны иш ордуна алып бара алган жокмун. Жада калса айдоочумду да коркутушуп, ал азыр менен менен иштегенден коркуп жатат", - деди Саламаттыкты сактоо министрлигинин башчысы.

Бейшеналиев бул иш-аракеттер "реформалардан жапа чеккен нааразы болгон адамдардын сунушу менен" болуп жатат деп эсептейт.

"Көптөгөн клиникаларды, университеттерди жана башка нерселерди жаптым. Дал ушул адамдар буюрма берип жатышат деп ойлойм. Алар киши өлтүргүч жалдап, андан акча жасашы да мүмкүн. Буга Ташиевдин да, Жапаровдун да тиешеси жок, нааразы болгондор көп, алардын арасында генералдар да бар", - деди Бейшеналиев.

Ал 14-май күнү кечинде үйүнө келгенде, эки унаада "спортчу жигиттер" күтүп турушканын кошумчалады.

"Үйүмдүн короосунан чыгып, такси менен аэропортко баргам, ал жерде паспорттук текшерүүдөн өткөндөн кийин УКМКнын кызматкерлери мени күтүп турушкан, алар мени видеого тартып, суракка алышкан. Мен 31-майда же 1-июнда "Алтын Балалык" борборунун ачылышына келем. Азыр Германиядамын, андан кийин Швейцария менен Данияга учуп кетем", - деп жыйынтыктады Бейшеналиев.