Камчыбек Ташиев Садыр Жапаров менен мамилеси азыр кандай экенин айтып берди
Улуттук коопсуздук боюнча мамлекеттик комитеттин (УКМК) башчысы Камчыбек Ташиев "Жаңы жүздөр" басылмасындагы маегинде Садыр Жапаров менен мамилеси тууралуу кептерге комментарий берди.
"Коомчулук Садыр Нургожоевич экөөңүздөрдүн ортоңордо келишпестик болуп жатат деп божомолдоп жатышат. Айтсаңыз азыр экөөңүздөрдүн мамилеңиздер кандай?" - деп суроо узатты Саралаева.
"Булардын баары ушак. Биздин колбашчы, урматтуу президентибиз Садыр Нургожоевич менен жакшы мамилебиз бар жана ошол бойдон кала берет. Анткени бул анын да, менин да кызыкчылыгымда эмес, бул жерде элдин кызыкчылыгы жатат. Мамлекеттин кызыкчылыгы баарынан жогору турат.
Мен эч качан биздин урматтуу президентибиздин жолун тосуу ниетим жок.
Ал мага карата да, өлкөгө карата да каалаган чечимди кабыл алууга укуктуу", - деп жооп берди Ташиев.
"Экөөбүздүн мамилебиз жакшы. Бул мамилебиз саясаттан кийин да уланат деп ишенем. Саясат да бүтөт, баарынын өз мөөнөтү бар, муну биз жакшы түшүнөбүз. Ал президенттиктен кетет, мен бул кызматтан кетем. Экөөбүздүн мамилебиз жакшы боюнча
калат", - деп баса белгиледи УКМКнын башчысы.
