16 жаштагы кызды ала качкан 20дагы жигитке кылмыш иши козголо элек
Кечээ, 11-июлда эртең менен Ысык-Көл облусунун Түп районунда 20 жаштагы жигит 16 жаштагы кызды уурдап, Кара-Балта шаарына алып кеткен. Бул тууралуу Kaktus.media сайтына укук коргоочу Камил Рузиев билдирди.
Рузиевге уурдалган кыздын ата-энеси кайрылган. "Мен Каракол ШИИБ аркылуу кечинде арыз жазууга жардам бердим. Кыздын атасы жана кызынын жигити мага кайрылышты. Кийин апасы кызын таап, үйгө алып кетип жаткандыгы тууралуу маалымат алдык."
Бул иш Караколдон Түпкө которулду.
"Кызды өз каалоосу жок ала качып кетишкен. Ал жигитине телефон чалган. Аны катуу коркутушкандыктан, ал кайда, ким менен жүргөнүн айтуудан корккон. Ала качкан жигит азыр камакта эмес, анын кармалышы кызды ата-энесинин арызынан көз каранды. Кылмыш-жаза кодексине ылайык, жигит ала качуу фактысы боюнча кармалып, кылмыш жоопкерчилигине тартылышы керек болчу. Бирок кылмыш иши козголо элек", - деди Рузиев.
