Нарындын тургунун 4 кошунасы зордуктаган. Ал Жапаров менен Ташиевден жардам сурайт
Kaktus.media сайтына милиция тарабынан кордолгонун айткан Рустам Жетибаев (аты өзгөртүлдү) кайрылды. Ал жарандарды коргоо үчүн түзүлгөн күч органдары, тескерисинче кылмышкерлерге жардам берип, зордукталган адамды психикалык жактан соо эмес деп көрсөтүүгө аракет кылганына нааразы болду.
Кайрылган адамдын текстинде зордук-зомбулук тууралуу маалыматтар камтылган. Сезимтал адамдарга сунушталбайт.
Рустам чындыгында алкоголду аз ичээрин, бирок ошол күнү жеке көйгөйлөрдөн улам мас болуп калгам деп сөзүн баштады.
"2021-жылдын 16-ноябрында саат 18:30дар чамасында сыртта караңгы болуп калган, Мухамед досум менен үйүмө кайтып келдик. Мас экенбиз, дароо уктап калдык. Анан үйгө Байыш, Аку жана Таку киришти. Алар бизди жыныстык катнашка бардыңар дешкенде мен алардын оозун жаптым. Анан эле Байыш мени кармап, жазалай турганын айтты. Алар күч менен менин шымымды чечип салышты. Андан соң өздөрү да чечишти", - деди Жетибаев.
Каршылык көрсөткөнү менен тиги төртөө күчтүүлүк кылганын баса белгиледи.
"Мени биринчи зордуктаган Байыш экени эсимде, маал-маалы менен эс-учумду жоготуп жаттым. Бир ойгонгонумда зордуктагандардын сөзүн уктум. Алар мындан ары, мага келерин, эми аларга аялдардын кереги жок экенин сүйлөшүп жатыптыр. Бөлмө караңгы болчу, мен кайра уктап кеттим", - деди жабырлануучу.
Жабырлануучу эсине келгенде досу Кубатка телефон чалып, суу алып келүүсүн суранган. Досу көргөн нерсесине таң калып, эмне болгонун сураган. Бирок Рустам сүйлөшүүдөн баш тарткан. Анын оюнда бир гана өч алуу болгон.
Эртеси күнү Рустам колуна бычак кармап көчөгө чыгып, зордуктагандарды көрүп, дароо чуркап баган. Бирок алардын жанында он чакты адам тургандыктан, Рустам эч нерсе кыла албай токтоп калган.
"Мен алаксып жатып кылмышкерлердин баары качып кетишти, аларды таппай калдым. Күн бою аларды үйүнүн жанында күтүп турдум. Эртеси да ошондой болду. Мага абдан оор болду. Мен эжеме телефон чалып болгон окуяны айтып, зордуктагандарды өлтүрөм дедим. Бирок ал мени милицияга кайрылууга көндүрдү", - деди Жетибаев.
18-ноябрь күнү кечинде Рустам Жетибаев Нарын шаарынын ички иштер органдарына арыз менен кайрылган.
"Милиция кызматкерлеринен колдоо күттүм, бирок алар мени шылдыңдай башташты, Нарын ОИИБдин дээрлик бардык кызматкерлери бөлмөгө кирип, баары мени шылдыңдап, ушунун баарына өзүм макул болгонумду айтышты. Алардын кордогондорун угуу мен үчүн абдан оор болду. Анткени мен аларга жардам сурап баргам, алар мени басынта беришти. Ал жерден качып кетпеш үчүн өзүмдү араң кармадым", - деди жабырлануучу.
Жетибаев ар бир милиция кызматкерлерине окуя тууралуу айтууга аргасыз болуп, улам айткан сайын шылдыңга алынган.
"Менин үйүмө барган милиция кызматкерлери тергөө амалдарын жүргүзбөй эле тинтүү жүргүзүп жаткандай сезилди. Үйдүн баары чачылып калган. Милиция кызматкерлери бөлмөдө мушташтын издерин, полдогу канды, заңды көрүшкөн. Натыйжада алар зордуктагандардын барын кармашкан. Бирок бир-эки сааттан кийин милиция кызматкерлери шектүү тарапка өтүшкөн. Ал эми оорукананын дарыгери менин геморройум бар экенин, көзгө көрүнүп турса да зордук-зомбулуктун белгилери жок экенин айтты", - деди Жетибаев ачууланып.
Жергиликтүү ооруканадагы кыска текшерүүдөн кийин шектүүлөр бошотулуп, бир нече милиция кызматкерлери аны дагы беш саат бою суракка алышкан.
"Соттук-биологиялык экспертизанын биринчи жыйынтыгында эч нерсе табылган жок. Тергөөчү бизди көпкө карабай койду. Биз каршы болуп жатып далил заттарды алып, Бишкекке жөнөттүк. Жыйынтык зордуктагандардын спермасы бар деп чыкты. Алар дагы комиссиялык экспертиза жүргүзүүнү талап кылышты, кайра эч нерсе табылган жок. Алар экспертизаны сатып алышкан деп ойлойбуз", - деп баса белгиледи жабырлануучу.
Айтымында, комиссиялык экспертизага эскирген кийимдин кичинекей кесиндиси жөнөтүлгөндүктөн, адистер андан эч нерсе таба алышкан эмес.
"Милиция кызматкерлери ишти жабууга кызыкдар болгондуктан зордуктагандардын кийимдериндеги тактар жок болгонго чейин убакытты созушту. Алар жиберген кийимдердин кесиндиси суу болуп, көгөрүп кеткендиги экспертизанын корутундусунда көрсөтүлгөн. Соттук-медициналык экспертизанын жыйынтыгы менин ден соолугума жеңил зыян келтирилген деп чыкты, иш козголо элек", - деп нааразы болгон жабырлануучу.
"Биз Башкы прокуратурага жардам сурап кайрылдык, бирок алар биздин арызды Нарын ОИИБге жөнөтүштү. Бир канча убакыттан кийин ишти ШИИБге өткөрүп беришти. Бирок Нарындын бардык милициясына ишенбөөчүлүк көрсөттүк. Биз ойлогондой эле зордуктагандардын пайдасына чыккан комиссиянын экспертизасына таянып ишти эки күндө ишти жаап салышты. Алар менин Бишкектен жасаткан экспертизама көңүл бурбай коюшту. Сегиз ай өттү, биз адилеттүүлүккө жете албай келебиз", - деди ал.
"Биз күч органдары зордукчуларга сатылып, аларды жаап-жашырууда деп эсептейбиз. Мен чындап эле президент Садыр Жапаровдон жана УКМКнын башчысы Камчыбек Ташиевден акыйкаттыкка жетишиме жардам беришин суранам", - деп сөзүн жыйынтыктады Рустам Жетибаев.
