Токойлордогу өрт коркунучу жогору. 27-28-июлга карата аба ырайы

27-28-июлда Кыргызстанда кургак жана аномалдуу ысык аба ырайы сакталат. Күндүз температуранын жогорулашы күтүлөт:

• Чүй өрөөнүндө 36…41° чейин;
• Талас өрөөнүндө 34…39° чейин;
• Ош, Жалал-Абад, Баткен облустарынын өрөөндөрүндө 37...42°, тоо этектеринде 34...39°, Суусамыр өрөөнүндө 27...32° чейин;
• Ысык-Көл ойдуңунда 29…34° чейин;
• Нарын облусунун дыйканчылык зонасында 31...36°, тоолуу райондордо 24...29°, бийик тоолуу зонада 14...19° жылуу.

Мындай анормалдуу ысык аба ырайында күндүн түз нурунан сактануу сунушталат, ошондой эле айыл чарба өсүмдүктөрүн мол сугаруу зарыл.

Талас, Лейлек, Базар-Коргон, Аксы, Токтогул, Жети-Өгүз, Нарын, Аксы райондорунун токойлорунда өрт коркунучу жогору, Аламүдүн райондорунун токойлорунда орточо өрт коркунучу сакталат.