Орус драма театрдын директору кызматтан бошотулуп, жетекчилик орунга сынак ачылды

Чыңгыз Айтматов атындагы мамлекеттик улуттук орус драма театрынын директору Евгений Кузнецов ээлеген кызматынан бошотулду. Ал бул орунда 4 жыл отурган.

Маданият, маалымат, спорт жана жаштар саясаты министрлиги орус драма театрынын директорунун бош кызмат орунуна документтеди кабыл ала тургандыгын жарыялады. Директордун кызмат ордуна төмөнкүдөй квалификациялык талаптар коюлган:

• "Маданият жана искусство" багыты боюнча жогорку кесиптик билими;
• жетекчилик кызмат орундарындагы иш тажрыйбасы 3 жылдан кем эмес же төмөнкү багыттар боюнча жогорку кесиптик билими: гуманитардык, педагогикалык, экономика жана башкаруу, маданият жана искусство чөйрөсүндөгү иш стажы тажрыйбасы 5 жылдан кем эмес.

Сынакка катышуу үчүн төмөнкү документтерди тапшыруу керек:

• Чыңгыз Айтматов атындагы мамлекеттик улуттук орус драма театрынын өнүктүрүү программасы;
• резюме (байланыш телефон номерин, электрондук почтаны көрсөтүү менен),
• автобиография (соттуулугу бар же жок экендиги жөнүндө маалыматтарды көрсөтүү менен);
• кадрларды эсепке алуу баракчасы;
• нотариус же акыркы иштеген жери боюнча күбөлөндүрүлгөн негизги жана кошумча билимин (бар болсо) тастыктаган документтердин көчүрмөлөрү;
• нотариус же акыркы иштеген жери боюнча күбөлөндүрүлгөн эмгек китепчесинин көчүрмөсү;
• илимий даражаны жана илимий наамды ыйгаруу жөнүндө документтердин көчүрмөлөрү (бар болсо);
• паспорттун көчүрмөсү.

Бардык документтер папкага тиркелип, Маданият, маалымат, спорт жана жаштар саясаты министрлигинин Адам ресурстарын башкаруу бөлүмүнө 20-августуна чейин тапшырылууга тийиш. Талаптарга жооп берген катышуучулар сынакка катышууга чакырылат.

Тема боюнча:

Кыргызстандык актриса Лариса Лебедева Нур-Султанда каза болду