Спорт залда асынып алган кыз тууралуу Социалдык өнүктүрүү башкармлыгы айтып берди
Сокулук районунун социалдык өнүктүрүү башкармалыгы спорт залда асынып алган кыз тууралуу айтып беришти. Бул тууралуу Kaktus.media'га райондук башкармалык билдирген.
Башкармалык берген маалыматка ылайык, өспүрүм кыздын үй-бүлөсү начар турган үй-бүлөлөрдүн катарына кирчү эмес. Анын ата-энеси ажырашып кетишкен, ал иниси экөө таенесинин колунда болушчу.
"Өспүрүм кыздын ата-энеси ажырашып кетишкен, алардын башка үй-бүлөлөрү бар. Ал эми кыз, иниси экөө таенесинин колунда турушчу. Апасы алыс эмес жерде жашайт, ошондуктан күн-алыс балдарынан кабар алып турчу экен. Үй-бүлөнүн материалдык абалы орто, учетто турган эмес. Мугалимдердин айтымында да, ал ачык-айрым, активдүү окуучу болчу. Ар дайым жакшы окучу, таэквондо менен машыгып, ыр жазчу. Бир ирээт ырлар сынагында байгелүү орун алган. Болгон окуя бардыгы үчүн шок болду. Эч ким кыздын жүрүм-турумунда өзгөчөлүктөрдү байкаган эмес. Социалдык башкармалык үй-бүлөнү көзөмөлгө алып, үй-бүлө мүчөлөрү менен психолог иш алып барат", - деп башкармалык айтып берди.
Эске салсак, 23-февралда Сокулук районундагы мектеп спорт залында асынып алган кыздын денеси табылган. Алдын ала берилген маалыматтар боюнча өспүрүм кыз өз өмүрүнө кол салган.
