Түркияда өзгөчө оюн көрсөткөн көк бөрүнүн жылдыздары. Мырзалардын ат жалындагы сүрөттөрү

Ат үстүндө шамалдай ойногон, улак колго тиери менен октой учкан көк бөрүчүлөр жакында эле Түркияда өткөн Дүйнөлүк көчмөндөр оюндарына катышып, жеңишти камсыздап келишти. Кыргыздын көзгө басар, белгилүү улакчыларынан турган курама команданын көзгө басар көк жалдарын тизмектедик.

Марлис Койгелдиев 1982-жылы Талас облусунун Калба айылында төрөлгөн. Үй-бүлөлүү.

Рустам Тыналиев 1989-жылы Жайыл районунун Кайсар айылында төрөлгөн. Азия чемпионатынын медалчысы (2013), Дүйнөлүк көчмөндөр оюндарынын жеңүүчүсү (2014-2016), көкпар боюнча Дүйнө чемпионатынын күмүш медалчысы (2017), Жылдын мыкты улакчысы (2015).

Таштемир Майлыбашев 1990-жылы Ош облусундагы Ылай-Талаа айылында төрөлгөн. Үй-бүлөлүү.

Ильяз Исаков, позициясы коргоочу. "Достук" командасынын улакчысы. Чүйдүн Сокулук районунан болот. Үй-бүлөлүү.

Тай казанга улак менен түшүү "фирменный" трюгу болгон улакчы Манас Ниязов 1993-жылы Өзгөн районунун Дөң-Булак айылында төрөлгөн. "Достук" командасында, кийин "Ала-Тоо" командасында улакчы. Бир катар мелдештерде "Мыкты чабуулчу", "Мыкты оюнчу" деп табылган. Үй-бүлөлүү.

Майрамбек Рыспеков 1994-жылы Талас облусунун Чат-Базар айылында төрөлгөн. Үй-бүлөлүү.

Нуржан Мелисбек уулу 1994-жылы Талас облусунун Бакайыр айылында төрөлгөн. Үй-бүлөлүү.

Нооруз Раатбек уулу 1995-жылы Талас облусунун Бала-Саруу айылында төрөлгөн. Үй-бүлөлүү.

Аудасбек Мырзабек уулу 1995-жылы Талас облусунун Кыргызстан айылында төрөлгөн. Үй-бүлөлүү.

Акбар Иманбеков, позициясы коргоочу. Ысык-Көлдүн Бостери айылынан болот. Ойногон коамандалары: "Рассвет", "Достук", "Сары-Өзөн", "Мурас", "Ала-Тоо". Үй-бүлөлүү.

Нурдин Болотбеков, позициясы жекеме-жеке. Кеминдин кулуну. "Көк-Жал", "Ала-Тоо" командаларында ойногон. 2021-жылы биринчи лиганын Эгемендүүлүк күнүнө арналган мелдешинин "Мыкты оюнчу" наамынын ээси. Бойдок.

Дастан Сагынбеков, позициясы жарым коргоочу. "Ынтымак" командасында ойнойт башка командаларда ойногон эмес. Үй-бүлөлүү.

Сүрөттөр Көк-Бөрү федерациясынан алынды.