Чүйдө 48 жаштагы жаранды унаа сүзүп, ал жеринде каза болгон

Ысык-Ата районунда адам өлүмүнө себепкер болгон айдоочу кармалды. Бул туурасында Чүй ОИИББдин маалымат кызматынан кабарлашат.

Маалыматка караганда, 4-декабрда саат 02:10 чамасында 1974-жылы туулган жарандын жансыз денеси жолдон табылган. Бул факты каттоого алынып, кылмыш иши ачылган.

Ыкчам тергөө иштеринин жүрүшүндө кечээ, 9-декабрда шектүү катары 1995-жылы туулган Г.А. кармалып, убактылуу кармоочу жайга киргизилди. Кармалган жарандын унаасы айып короосуна токтотулуп, тиешелүү экспертизалар дайындалды.

Тергөө иштери улантылууда.