Экономика министрлиги түнкү клубдун жанында ок аткан киши жакында эле иштен кеткен дейт
Бишкектеги Suzie Wong түнкү клубунун кире беришинде ок чыгарган жаран Экономика министрлигинин кызматкери экенин Kaktus.mediaга өздүк булактар билдиришкен. Бул билдирүүдөн кийин Экономика жана соода министрлигинин басма сөз кызматы бейбаштык үчүн кармалган адам төрт күн мурда иштен кеткенин билдирди.
"Экономика жана коммерция министрлигинин Аймактар аралык башкармалыгынын ишкердикти жана текшерүүлөрдү көзөмөлдөө башкармалыгынын начальниги А.С.А. 1-апрелден 6-майга чейин эмгек өргүүдө болгон.
Ал 10-майда ээлеген кызматынан өз каалоосу менен бошотулган.
Учурда бул кызматкер Экономика жана коммерция министрлигинде иштебейт", - деп билдиришти министрликтен.
*****
14-майга караган түнү Асанбай кичи районундагы Suzie Wong түнкү клубунун кире беришинде белгисиз адам асманга ок чыгарган. Ошол эле учурда мас абалдагы киши колунда курал менен ары-бери басып башкаларды чочуткан. Ал дароо кармалып, "Бейбаштык" беренеси менен иш козголгон.
