Караколдо 47 жаштагы киши аялын компьютер менен чаап салган
Караколдо 47 жаштагы киши аялын монитор менен сабап салган. Бул тууралуу Ысык-Көл облустук ички иштер башкармалыгынан билдиришти.
Ызы-чуу тууралуу 16-ноябрда Каракол ШИИБине маалымат түшкөн. Айтылган дарекке барган ыкчам топ 1976-жылы туулган Э.Н. аттуу киши менен 1983-жылы туулган О.М. аял урушуп кетишкенин аныктаган.
Териштирүү учурунда күйөөсү аялы иштеген дүкөнгө барып, ызы-чуу чыгарып, компьютер менен аялын урганы аныкталган. Ошондой эле киши дүкөндү өрттөйм деп коркуткан.
Жабырлануучуга карата соттук-медициналык экспертиза дайындалды. Аялга коргоо ордери, ал эми анын күйөөсүнө эскертүү берилди. Бул факты боюнча тергөө иштери башталды.
Башкы беттеги сүрөт иллюстрациялык.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/14966
