Тишин дарылатуу учурунда чарчап калган 3 жашар кыздын окуясы. Кимдерге чара көрүлдү?
Бишкекте Кыргыз мамлекеттик медициналык академиянын медициналык борборунда 3 жашар кыз тишин дарылатуу учурунда каза болгон. Окуядан кийин аталган медициналык борбордун директору Муктарбек Искаков кызматынан бошотулду. Маалыматты редакцияга саламаттыкты сактоо министринин орун басары тастыктады.
Белгилүү болгондой, анестезиолог да иштен алынган.
Буга чейин министр КММАнын медициналык борбору Саламаттыкты сактоо министрлигинен аккредитациядан өтпөгөнүн билдирген. Медициналык борбордун негиздөөчүсү КММА болуп саналат.
Эске салсак, 18-декабрда 3 жашар кыз тиш дарылатып жатып каза болду. Октябрь РИИБден билдиришкендей, ошол эле күнү кыздын чоң энеси арыз менен кайрылып, дарыгерлер кесиптик милдеттерин талаптагыдай аткарбагандыктан небереси каза болгонун билдирген.
Бул факты боюнча Кылмыш-жаза кодексинин 146-беренесинин (медициналык же фармацевтика кызматкеринин кесиптик милдеттерин талаптагыдай эмес аткаруусу) негизинде кылмыш иши козголуп, экспертизанын жыйынтыгы менен юридикалык баа берилери маалымдалган.
