Сүлүктүдө 14 жаштагы кыз зордукталганын айтып чыкты. Милициянын маалыматы

Сүлүктү шаарында 14 жаштагы окуучу зордукталганын айтып чыкты. Ал 31 жаштагы жаран физикалык күч колдонуп, денесине залал келтирип, ыплас иштерди жасаганын билдирди.

Тема боюнча:

Бишкекте 15 жаштагы кызды зордуктоого аракет кылган киши кармалды

Баткен облустук ички иштер башкармалыгы маалыматты Kaktus.kg сайтына тастыктап, шектүү кармалганын билдирди.

Такталгандай, окуя 13-январда катталган. Эртеси күнү 41 жаштагы шаар тургуну милицияга кайрылып, 14 жаштагы кызын Т. аттуу жаран зордуктап койгонун айткан.

Шектүү К.Т.

Бул факты боюнча 154-берененин (Зордуктоо) негизинде кылмыш иши козголуп, Сүлүктү ШИИБи тарабынан сотко чейинки өндүрүш иши башталды. Кылмышка шектүү катары Сүлүктү шаарынын 31 жаштагы К.Т. аттуу тургуну кармалып, убактылуу кармоо жайга киргизилген. Учурда тергөө иштери жүрүп жатканын кошумчалашты милициядан.

Башкы беттеги сүрөт иллюстрациялык: news.sky.com.