52 жаштагы киши ур-токмоктон кийин каза тапты. Шектүү кармалды
Бишкекте 52 жаштагы киши ур-токмоктон улам каза тапкан. Шектүү катары 31 жаштагы жаран колго түшүрүлгөнүн шаардык ички иштер башкы башкармалыгынан кабарлашты.
Маалыматка караганда, 4-сентябрда саат 09:35 чамасында милициянын нөөмөт бөлүмүнө билдирүү түшкөн. Анда Чүй жана Исанов көчөлөрүнүн кесилишинен 1972-жылы туулган А.О. аттуу жаран белгисиз адамдар тарабынан сабалып, ооруканага жеткенде каза болгондугу маалымдалган.
Аталган факты боюнча 130-берене менен ("Адам өлүмү менен коштолгон денеге оор зала келтирүү") кылмыш иши козголгон.
Жүргүзүлгөн ыкчам иш-чаралардын алкагында шектүү катары 1993 жылы туулган А.К. кармалып, убактылуу кармоочу жайга киргизилди. Ленин райондук соту тарабынан шектүүгө 2 айга камакка алуу түрүндөгү баш коргоо чарасы тандалды.
