Эдил Байсалов: Шайлоодо эл авторитаризм менен коркуткан күчтөрдү колдогон жок
Парламенттик демократиянын жалган фасадын куруу эксперименти ишке ашпай калды. Бул тууралуу бүгүн мамлекеттик өнүктүрүү планын ишке ашыруу боюнча иш-чаралардын планын талкуулоо учурунда министрлер кабинетинин төрагасынын орун басары Эдил Байсалов билдирди.
Анын айтымында, Кыргызстанда парламентаризм болгон эмес.
"Парламенттик демократиянын жалган фасадын тургузуу эксперименти ишке ашпай калды. Бизде парламентаризм болгон эмес. Он жыл бою баарын президенттер чечкен", - деди ал.
Ал белгилегендей, үстүбүздөгү жылдын май айынан бери көптөгөн мыйзам чыгаруу иштери жүрүп, дароо эле министрлер кабинетинин жаңы курамы түзүлгөн.
"Эгерде буга чейин бийлик кызматты, портфелди пирожкидей бөлүштүрүп партия лидерлеринине таратса, азыр аткаруу бийлигинин башында президент өзү турат", - дейт Байсалов.
Байсалов өткөн парламенттик шайлоого да токтолду.
"Эл аралык уюмдар эгемендүүлүк жылдарында биринчи жолу шайлоо бир добуштан эң эркин жана адилеттүү деп белгилегенине абдан кубанычтабыз. Чынында эле, өлкөбүздө биринчи жолу эч кандай административдик ресурс колдонулган жок. Кандай болбосун аракеттер катаал чаралар колдонулганын көрдүңүздөр. Бийлик бардык аракеттерди токтотту", - деди Байсалов.
Эдил Байсалов шайлоолордогу президенттин ролун да белгиледи.
"Президент Жапаров өзүнүн саясий партиясын сүйрөгөн жок. Тажрыйбалуу, элин жакшы билген саясатчы катары ал шайлоодо эл келечектеги өнүгүү жана үмүт үчүн добуш берет деп так баалады. Шайлоочулар авторитаризм, диктатура менен элди чочуткан күчтөрдү колдогон жок. Баарыңыздарды элибиздей акылман болууга чакырам", - деп кошумчалады Байсалов.
Ал белгилегендей, Жогорку Кеңештин жаңы шайланган курамы кыргыз демократиясында маанилүү роль ойнойт.
