Бишкекте митинг, акция, жөө жүрүштөрдү өткөрүүгө салынган тыюу 1 айга узартылды. Тизме
2313
Биринчи Май райондук соту массалык топтолууга, тынчтык митингин, акцияларды өткөрүүгө салынган тыюунун мөөнөтүн узартып, тизмеге дагы бир көчөнү кошту. Аталган соттон билдиришкендей, мындай чечим 1-декабрда кабыл алынган.
Ага ылайык, чектөө ушул жылдын 31-декабрына чейин созулат. Ошондой эле Эркиндик бульварында (Линейный көчөсүнөн Чүй кең көчөсүнө чейинки бөлүгү) тынчтык акцияларын өткөрүүгө тыюу салынды.
Тыюу салынган жайлар:
- "Ала-Too" аянты;
- Эркиндик бульварынын Түгөлбай-Ата көчөсүнөн (мурдагы Линейный көчөсү) Чүй кең көчөсүнө чейинки бөлүгү;
- Жогорку Кеңештин айланасында;
- Президенттин администрациясынын тегерегинде;
- Жогорку Соттун жанында;
- Россия элчилигинин алдында;
- УКМКнын имаратынын алдында.
Бул чектөө "Ала-Тоо" аянтында өткөрүүлүчү мамлекеттик жана муниципалдык расмий иш-чараларга тиешелүү эмес.
Белгилей кетсек, Эркиндик бульварынын Түгөлбай-Ата көчөсүнөн Чүй кең көчөсүнө чейинки бөлүгү акыркы учурда тынчтык акцияларын, жөө жүрүштөрдү өткөрүү үчүн тотполуучу жайга айланган.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/9486
