Коомдук транспортко болгон жол киренин баасы этап-этабы менен көтөрүлөт. Бирок азыр эмес

Мэрия коомдук траспортко болгон жол кирени көтөрүү баскыч менен ишке ашырат. Буга ылайык, калаа жетекчилиги коомдук транспорттогу жол кирени көтөрүү боюнча долбоорду чакыртып алды. Бул тууралуу борбор калаанын башчысы Эмилбек Абдыкадыров маалымат жыйында билдирди.

"Муниципалитет бул маселеге азырынча кайрылбайт. Бирок баалар көтөрүлсө этап-этабы менен ишке ашат. Себеби элге кыйынчылык туудурбаш керек", - деди ал

Анын айтымында, жол кирени нак жана нак эмес төлөө идеясы калат. Тагыраагы, карта менен 11, ал эми нак болсо 15 сом деп айтылган.

Тема боюнча:

Мэрия 2023-жылы Бишкекке 3 мектеп жана 12 бала бакча курат

Буга чейин мэрия коомдук транспорттун жол киресин кымбаттатуу боюнча маселе көтөргөн эле. Анда төмөнкү баалар айтылган:

• троллейбус, автобустар - 15 сом;
• маршруткалар: саат 6:00 - 20:30 арасы - 21 сом, саат 20:30 - 06:00 арасы - 32.
• экспресс-маршруткалар: № 233, 234 - 22 сом; № 123, 226, 252 - 32 сом.