Сот 13 жаштагы кызды зордуктоого айыпталгандардын биринин ишине чекит койду
Бишкекте 13 жаштагы кызды зордуктоого шектелген официанттын иши Жогорку Сотто бүгүн, 13-мартта каралып, чекит коюлду. Жабырлануучу тараптын жактоочусу Тимур Султанов Kaktus.kg`ге билдиргендей, айыпталуучу 8 жылга эркинен ажыратылды.
Айтымында, буга чейин Биринчи Май райондук сотунун чечими менен официант 8 жылга кесилген.
"Райондук соттун чечими боюнча жогорку инстанцияга даттанганбыз. Бишкек шаардык соту жана Жогорку Сот райондук соттун чечимин өзгөртүүсүз калтырды", - деди Султанов.
Окуя тууралуу:
Эске салсак, 13 жаштагы кызды зордуктоо боюнча сот 2022-жылдын 8-июлунда башталган. Кылмыш 2022-жылдын февраль айында жасалган. Март айында кылмышка шектелип эки милиция кызматкери жана "Дордой" базарынын күзөтчүсү кармалган.
30-августта Свердлов райондук соту милция кызматкерлерин 15 жылга, ал эми күзөтчүнү 10 жылга эркинен ажыраткан.
2023-жылы 12-январда Бишкек шаардык сотунун чечими менен милиция кызматкерлеринин бири 9, экинчиси 6 жыл жаза өтөмөй болушкан. Буга жабырлануучу тарап нааразы болушкан.
Сүрөт иллюстрациялык.
