Активисттердин массалык кармалышы. Айрымдарына дагы эки айып тагылды

Кемпир-Абад боюнча кармалган активист, саясатчы, журналисттерге дагы эки айып тагылды. Бул туурасында жактоочу Канат Хасанов Kaktus.media сайтына билдирди.

Айтымында, ИИМдин тергөө органдары кармалгандардын айрымдарына дагы эки берене - "Кылмышка даярдануу – массалык баш аламандык" жана "Кылмышка даярдануу – бийликти күч менен басып алуу" боюнча айып такты.

Эске салсак, 23-октябрда опозиция саясатчылары, активисттер коомдук баш аламандыкты жаратууга шектелип кармалган. Андан бир күн мурун Кемпир-Абад суу сактагычын колдоо боюнча комитет түзүлгөн.

Бул иш боюнча айыпталгандар:

• Мамбетжунус Абылов - үй камагында.
• Акылбек Айтбаев - СИЗОдо.
• Айданбек Акматов - СИЗОдо.
• Нурлан Асанбеков - үй камагында.
• Бектур Асанов - СИЗОдо.
• Марат Баязов - СИЗОдо.
• Атай Бейшенбек - СИЗОдо.
• Азимбек Бекназаров - СИЗОдо.
• Эрлан Бекчороев - СИЗОдо.
• Айбек Бузурманкулов - СИЗОдо.
• Гүлнара Журабаева - үй камагында.
• Кеңешбек Дүйшебаев - СИЗОдо.
• Равшан Жээнбеков - СИЗОдо.
• Кубанычбек Кадыров - СИЗОдо.
• Рита Карасартова - СИЗОдо.
• Чыңгыз Капаров - үй камагында.
• Таалайбек Мадеминов - үй камагында.
• Улукбек Маматаев - үй камагында.
• Темир Махмудов - СИЗОдо, 3-февралда кармалган.
• Жеңиш Молдокматов - СИЗОдо.
• Орозайым Нарматова - үй камагында.
• Асия Сасыкбаева - үй камагында.
• Клара Сооронкулова - үй камагында.
• Перизат Суранова - үй камагында.
• Али Шабдан - СИЗОдо, кошумча айып тагылган.
• Илгиз Шаменов - СИЗОдо, жаңы айыптар тагылган.
• Талант Эшалиев - башынан эле үй камагында.