Прокурорлор Кемпир-Абад иши боюнча айыпталуучуларды 20 жылга эркинен ажыратуу сурады

Бүгүн, 10-июнда Бишкектин Биринчи Май райондук сотунда Кемпир-Абад иши боюнча отурум уланды.

Сот залында жарыш сөзгө чыккан прокурорлор кылмыш ишиндеги бардык айыпталуучуларды күнөөлүү деп таап, үй-мүлкүн конфискациялоо менен 20 жылга эркинен ажыратууну сурады.

Тема боюнча:

Роза Отунбаева Бишкектеги СИЗО-1ге барды. Видео

Эске салсак, 2022-жылдын октябрь айында Кемпир-Абад суу сактагычын коргоо боюнча комитет түзүлгөн. Андан кийин дароо эле "массалык баш аламандыкка даярдык көргөн" деген жүйө менен массалык камакка алуулар болгон.

Кемпир-Абад иши менен айыпталгандар:

• Мамбетжунус Абылов - үй камагында;
• Акылбек Айтбаев - үй камагында;
• Айданбек Акматов - СИЗОдо.
• Нурлан Асанбеков - үй камагында;
• Бектур Асанов - эч жакка чыкпоо тил каты менен СИЗОдон бошотулган;
• Марат Баязов - СИЗОдо;
• Атай Бейшенбек - үй камагында;
• Азимбек Бекназаров - СИЗОдо;
• Эрлан Бекчороев - үй камагында;
• Айбек Бузурманкулов - СИЗОдо;
• Гүлнара Журабаева - үй камагында;
• Кеңешбек Дуйшебаев - үй камагында;
• Равшан Жээнбеков - СИЗОдо;
• Кубанычбек Кадыров - үй камагында;
• Рита Карасартова - үй камагында;
• Чыңгыз Капаров - үй камагында;
• Таалайбек Мадеминов - үй камагында;
• Улукбек Маматаев - үй камагында;
• Темир Махмудов - СИЗОдо, ушул жылдын 3-февралында кармалган;
• Жеңиш Молдокматов - СИЗОдо;
• Орозайым Нарматова - иши өзүнчө өндүрүшкө алынган;
• Асия Сасыкбаева - үй камагында;
• Клара Сооронкулова - үй камагында;
• Перизат Суранова - үй камагында;
• Али Шабдан - үй камагы, кошумча айып тагылган;
• Илгиз Шаменов - СИЗОдо, жаңы айыптар тагылган;
• Талант Эшалиев - үй камагында болгон, кийин иши өзүнчө өндүрүшкө алынган.