Бир күндө Бишкектен Пакистанга жети каттам. Аэропортто канча чет элдик жүрөт? Видео
Бүгүн, 22-майда "Манас" аэропортунун бардык жарандары жана кызматкерлери бомба бар деген маалыматтан улам эвакуацияланган. Бул маалымат жалган болуп чыкканын Чүй облустук ички иштер башкармалыгы Kaktus.media сайтына билдирди.
Окуяга күбө болгондор жүздөгөн чет элдик жарандар Кыргызстандан учуп кетүүгө шашылган видеолорду жөнөтүшкөн.
"Манас" аэропортунун сайтында күндүз учактар Исламабад, Пешавар жана Лахор шаарларына уча турганы айтылат. Жалпысынан жети каттам. Алардын экөө бомба тууралуу кабардан улам жокко чыгарылган, бирок кийинчерээк аларды каттоо башталган.
Эскерте кетсек, 13-май күнү кечинде Бишкектин чыгыш тарабындагы жатаканалардын биринде жергиликтүү жана чет элдик жарандардын ортосунда мушташ чыккан.
Төрт күндөн кийин, 17-майда Чүй жана Курманжан датка көчөлөрүнүн кесилишинде массалык баш аламандыктар башталды. Катышуучулардын так саны белгисиз, бирок 700дөн 1000ге чейин адам катышкан болушу мүмкүн экени айтылууда. Ошол эле маалда социалдык тармактарда чет элдиктер жашаган жатаканалардын бириндеги балдардын мушташып жаткан видеосу тараган.
18-майга караган түнү болгон ызы-чуудан 29 адам медициналык жардам сурап кайрылып, анын ичинен 15 адам Шаардык тез жардам ооруканасына жана Улуттук госпиталга жеткирилип, калгандарына жеринде жардам көрсөтүлгөн. 19-майда жалпы 180 чет элдик мекенине кеткени маалымдалып, алардын экинчи бөлүгүн да алып кетүү пландалып жатканы айтылды.
